Gaye Dino Ka Suraag Le Kar

On Sun, Aug 21, 2011 at 6:34 AM, ..::RAJA KHAN::.. <saqib6482@gmail.com> wrote:

--

Gaye Dino Ka Suraag Le Kar Kidhar Se Aaya Kidhar Gaya Wo
Ajeeb Manoos Ajnabi Tha Mujhe Hairan Kar Gaya Wo

Bas ek Moti Si Chap Dikha Kar Bas ek Meethi Si Dhun Suna Kar
Sitara-e-Shaam Ban Ke Aaya Be-rang Khuwab Seher Kar Gaya Wo

Khushi K Rutt Ho Keh Gham Ka Mosam Nazar Usay Dhoondti Hai Har Dam
Wo Boo-e-Gul Tha Keh Nagma-e-Jaan, Mere Tu Dil Main Utar Gaya Wo

Na Ab Wo Yaadon Ka Charta Darya Na Fursaton Ki Udaas Barkha
Yun Hi Zara Si Kasak Hai Dil Main Jo Zakham Gehra Tha Bhar Gaya Wo

Kuch Ab Sanbhalne Lagi Hai Jaa Bhi, Badal Chala Hai Daur Aasmaa Bhi
Jo Raat Bhaari Thi Tal Gayi Hai, Jo Din Kara Tha Guzar Gaya Wo

Bas ek Manzil Hai Abu-ul-Hoos Ki Hazar Rastay Hain Ehal-e-Dil Ke
Yehi To Hai Mujh Main Us Main, Guzar Gaya Main Thehar Gaya Wo

Shikasta Para Main Khara Hoon, Gaye Dinon Ko Bula Raha Hoon
Jo Qaafla Mera Hamsafar Tha Misaal Gard-e-Safar Gaya Wo

Mera To Khuwaan Ho Gaya Hai Paani, Sitam-garon Ki Palak Na Bheegi
Jo Nalaa Utha Tha Raat Dil Se Na Jane Kyun Be-Asar Gaya Wo

Wo Me-Kaday Ko Jagane Wala, Wo Raat Ki Neend Uraane Wala
Yeh Aaj Kya Us Ke Dil Main Aayi Keh Shaam Hote Hi Ghar Gaya Wo

Wo Hijar Ki Raat Ka Sitara, Wo Hum Nafs Hum Sukhan Hamara
Sada Rahe Us Ka Naam Pyara, Suna Hai Kal Raat Marr Gaya Wo

Wo Jis Ke Shaane Pe Hath Rakh Kar Safar Kiya Tu Ne Manzilon Ka
Teri Gali Se Na Jane Kyun Aaj Sar Jhukaye Guzar Gaya Wo

Wo Raat Ka Be-Nawa Musafir, Wo Tera Shayar Wo Tera Nasir
Teri Gali Tak to Hum Ne Dekha Phir Na Jane Kidhar Gaya Wo

 

--

                   

--
For online discussion forums and inclusive portal about exam related data,Fun ,poetry,fashion,etc please visit www.virtualians.net
 
www.virtualians.net
study with moj masti

Virtulians Group Basic Posting Rules

Unethical comments, abuses are strictly prohibited you are expected to be polite while posting the messages
Messages containing Phone Numbers are treated as spam
Posting links of other sites or groups is not allowed

--