Bano Zulaikha: Zindagee ka Maqsad , Allah ka shukar ada kijyay , Jaga Jee Laganay ki duniya nahee hay , Mera Dil Badal Day

Zindagee ka Maqsad , Allah ka shukar ada kijyay , Jaga Jee Laganay ki duniya nahee hay , Mera Dil Badal Day

Duniya ka kamyab tareen , ameer tareen insane , jis ki zindagee ka maqsad Duniya kamana ho , jis ka maqsad zada say zada Paisa kamana , bank balance jama kerna , bangle , car , duniya ki her asaish o aram ki cheezay hasil kerli ho , jis nay duniya may kabhee kuch na hara ho , jo chaha ho who paya ho , hamesha jeet us ka muqadar bane ho agar us insan ka jab qayamat kay din hisab kitab kiya jaye or who us may nakam hokar jahanum may dal diya jaye or aik wo insan jis nay duniya may zindagee bhar Allah or us kay rasool Hazrat Muhammad Mustafa (Sallallahooalahi-Wasallam) kay bataye huway rastay per chala ho , or Allah ka paigham doosro tak pohanchana us ka zindagee ka maqsad raha ho , jis kay nazdeek duniya ki kamyabi say zada akhirat ki kamyabi aihmiyat ki hamil ho , jis ki zindagee ka maqsad hergiz Allah ki nafarmani ker kay aish o aram ki zindagee guzarna na ho , jis nay jo kam bhe kiya ho who Allah ki raza kay liyay kiya ho , jis nay jo kam bhe kiya ho who Allah or Rasool Hazrat Muhammad Mustafa (Sallallahooalahi-Wasallam) kay bataye huway tareeqay kay mutabiq kiya ho or jab qayamat kay din us kay amal ka hisab kitab ho to woh us may kamyab hokar jannat may dala jaye ga to ap kay nazdeek kon sa insan sab say kamyab tareen or khush Qismat huwa , aik bar sachay dil say is bat ko sochay ka zaroor or apni zindagee per aik dafa zaroor nazar daliyay ga ka yap ki zindagee ka maqsad kiya hay or ap kay nazdeek duniya ki kamyabi aihmiyat hamil hay ya akhirat ki jo na khatam honay wali zindagee hay us ki kamyabi ap kay nazdeek zada zaroori hay.

Badal de Dil ki duniya dil badal day

Mera Ghaflat mein dooba dil badal day

Hawa-o-Hirs wala dil badal day

Mera Ghaflat mein dooba dil badal day

Badal de Dil ki duniya dil badal day

Khudaya Fazl farmaa dil badal day

Gunah gaari main kab tak Umr kaatoun

Badal day Mera rasta dil badal day

Sunoun Main naam Tera dharkanon Main

Maza aajaye Maula dil badal day

Hataaloun aankh apni Maa-siwa say

Jiyoun Mein Teri khatir dil badal day

Karoun Qurbaan Apni Saari Khushiyaan

Tu apna ghum ata kar dil badal day

Sehal farmaa musalsal yaad apni

Khudaya Reham farmaa dil badal day

Para houn Teray dar par dil shikasta

Rahoun kyu dil shikasta dil badal day

Tera hojaoun itni arzoo hay

Bas itni hay tamanna dil badal day

Meri faryaad sunlay Meray Maula

Banalay apna banda dil badal day

Tera hojaoun itni arzoo hay

Bas itni hay tamanna dil badal day

Meri faryaad sunlay Meray Maula

Banalay apna banda dil badal day

Dilay magmoom ko masroor karday

Dil-e-be noor ko purnoor karday

Faroza dil mein sham-e-toor karday

Yay gosha noor say ma'moor karday

Mera zahir sanwar jaaye Ilaahi

Meray baatin ki zulmat door karday

Hay meri ghaat mein khud nafs mera

Khudaya isko dey maqdoor karday

Mera zahir sanwar jaaye Ilaahi

Meray baatin ki zulmat door karday

Ma-e-wahdat Pila maqmoor karday

Mohabbat k nashay main choor karday

Mera zahir sanwar jaaye Ilaahi

Meray baatin ki zulmat door karday

AMEEN SUMAMEEN YA RABBUL ALAMEEN

Allah rehman hay , Allah raheem hay , Allah kay siwa ki koi ibadat kay laiq nahee hay , Hazrat Muhammad Mustafa (Sallallahooalahi-Wasallam) ALLAH Kay akhri NABI OR RASOOL Hay. Jab yay Duniya nahee thee us waqt bhee ALLAH tha , jab yay Duniya nahee hogee us waqt bhee ALLAH he Hoga , ALLAH Nay is kainat ko banaya , Allah nay sath Asman banaye jo bagair saharay kay hamay nazar atay hay , Allah nay Sooraj ,chand , sitaray banayae , Sooraj her roz Allah kay muqarar kerda waqt per nikalta hay , poori duniya ko roshan kerta hay or phir guroob hojata hay , Chand sitaray apnay waqt per hamay asman per nazar atay hay or phir gayab hojatay hay, ALLAH nay poori duniya banadi , Allah na is duniya may aisi aisi cheezay banai hay kay insane aqal us ko daikh ker dang reh jatee , ALLAH nay baray baray Pahar banadiyay , Allah nay insan ko banaya , Farishto ko banaya , Janwar ko banaya , Jin or shayateen ko banaya, Allah nay insan ko Ashraful Makhlooqat ka derja diya , Allah nay samander banaye or samandar kay under aisi aisi samandari makhlooq banai kay insani aqal un ko daikh ker heran o preshan rehjataee hay , Allah nay is duniya may aisay aisay janwar banaye kay insan daikh ker heran o preshan rehjata hay , kuch janwar Allah nay halal banaye , jin ko Zibah ker kay insan apnay khanay kay liyay istimal kerta , kuch janwar zehreelay hay , kuch janwar masoom hay jo insane ko nuqsan nahee pohanchtay or kuch janwar Muslamano kay liyay haram karaq diyay gaye , ALLAH he nay sab ko paida kiya hay , Allah he sab ko mot dayga or Allah he qayamat kay din tamam insane ko doobara zinda karega, Is Duniya may jo kuch bhee hota hay who sirf or sirf Allah kay hukum say hota hay , Allah kay hukum kay bagair aik patta bhe hil nahee sakta , insan aik sans bhe Allah kay hukum kay bagair nahee lay sakta, Allah jisay chahay izzat day or Allah jisay chaye zilat day , ALLAH Jisay chaye Gani ameer kerday or Allah jisay chaye gareeb kerday , Ameer , Dolat mand honay ka matlab her giz yay nahee hay kay Allah us say bohat khush hay or kisi kay gareeb honay ka matlab her giz yay nahee kay Allah us say naraz hay , ALLAH mukhtalif tariqay say insan ko azmata hay , Allah hi sab ko rizq dayta hay , Allah hi sab ko rozgar dayta hay , hamay aisa lag raha hota hay kay kisi dost ya kisi rishtidar ya kisi nay hamari nokri lagwadee hay , hamay lag raha hota hay kay koi hamay khana khila raha hota hay likin rizq daynay wali zat or rozgar daynay wali zat sirf or sirf Allah he ki hay , her hal may Allah ka shukar ada kerna chaiyay , kisi bhe mushkil kay waqt sirf or sirf Allah ko pukaran chaiyay , rizq ka mamla ho , Rozgar ka mamla ho sifarish per yaqeen na rakhiyay , Allah per poora poora bharosa rakhiyay , Allah say apnay gunah ki maafi mangiyay , Allah say mangiyay , Allah he riozgar or rizq kay derwazay apni rehmat say kholay ga , Is Duniya may jo kuch bhe hota hay who sirf or sirf Allah kay hukum say hota hay , hamari zindage ka bhee aik maqsad hay , Allah nay bina kisi maqsad kay hamay is duniya may nahee bheja hay , hamari zindagee kay maqsad Allah or us kay Rasool Hazrat Muhammad Mustafa (Sallallahooalahi-Wasallam) kay bataye huway tariqay kay mutabiq zindagee guzarna hay , kiya cheez halal hay kiya cheez haram hay , hamay apni zindage Quran or sunnat kay mutabiq guzarni hay , Allah or us kay bataye huway deen islam ko seekhna hay us per amal kerna or us kay paigham ko poori insaniyat tak pohchana hay , Allah nay insan ko ashraful makhlooqat banaya hay , achay or buray ki tameez sikhai hay , kiya sahee hay kiya galat hay is ka shaoor diya , kis rastay per chal ker insan kamyab hosakta hay , kis tarah kay amal ker kay insan Allah ko razi ker kay jannat may jasakta hay or kis tarah insan buray rastay per chal ker , Allah ki nafarmani ker kay , Allah ko naraz ker kay Dosakh may dala jasakta hay , jo insan Allah ki nafarmani kerta hay us ko Qabar may bhee azab milta hay , Qabar ya to jannat kay bago (Jannat kay garden) may say ya doskh kay gharro may say hay, Allah nay taqreeban 1 Lakh 24 Hazar Paigambar is duniya may bhejay , jo her dor may insano ko Allah kay bataye huway rastay per chalnay ki talqeen kertay thay , un ko Allah kay bataye huway tariqay per chalnay ka kehtay , un ka samjhatay kay Allah kay siwa koi ibadat kay laiq nahee hay , un ko seedhay rastay per chalnay ki talqeen kertay or burai say roktay or samjhatay kay kis tarah who Allah ki ibadat kerkay duniya or Akhirat may kamyab hosaktay or jis nay us waqt kay Allah kay nabi Hazrat Muhammad Mustafa (Sallallahooalahi-Wasallam) kay bataye huway rastay ko ikhtiyar kiya Duniya gawah hay kay who Duniya may bhe kamyab huway or insahaAllah akhirat may bhee un kay liyay Allah nay ajar e Azeem rakha hay or jis nay waqt kay nabee ko nahee mana woh duniya may bhe zaleel huway or akhirat may un kay liyay dard nak Azab hay , Firon , Namrood or is kay ilawa kitnay hi jabir zalim or ameer o kabeer badshah thay , in logo nay apnay waqt kay nabi ki bat ko na mana Allah per iman layker nahee aye to ap nay daikha who kaisay zaleel ho ker maray or aj is duniya may koi bhe maa baap apnay betay ka nam firon , Namrood nahee rakhtay.

Hamay Allah ka her waqt shukar ada kerna chaiyay , Allah nay hamay itni sari naimto say nawaza hay kay hum Allah ka zindagee bher bhee shukar ada kertay rahay to woh kam hay, Sab say bara Allah ka shukar kay Allah nay hamay Ashraful Makhlooq yani Insan banaya , Allah ka sab say bara aihsan kay Allah nay hamay Musalman paida kiya , Allah nay hamay musalman gharanay may paida kiya , Allah nay hamay hath pair ki salamti say paida kiya , Allah ka bara aihsan hay kay Allah nay hamay bagair kisi nuqs kay paida kiya , kitnay he bachay hotay hay jin ko paidaishi beemari hoti hay , Koi Bol nahee sakta , Koi sun nahee Sakta , Koi Daikh nahee sakta , Kisi kay hath may koi problem hay , Kisi kay pair may koi problem , koi Paidaish say he mazoor hay , kisi ko mozi amraz hay , kisi kay dil may soorakh hay wagera wagera , Allah ka shukar kay us nay hamay apnay akhri or piyray Nabi Hazrat Muhammad Mustafa (Sallallahooalahi-Wasallam) ki ummat may say paida kiya jo sab say pehlay janat may dakhil hogee , Allah nay hamay khatay peetay achay ghar may paida kiya , piyar mohabbat or bohat bohat khayal rakhnay walay maa baap kay ghar paida kiya jin ki na hum khidmat kertay hay , jin ki na hum izzat kertay hay, piyar mohabbat kernay walay bhai behan diyay , Allah ka shukar jis nay hamay azad mulk may paida kiya , Allah ka shukar jis nay hamay Islamic country may paida kiya , Agar Allah na karay hum kisi aisay ghar may paida hojatay jo log Allah per iman na rakhtay hotay ,Allah na karay hum deen islam ko na apnatay , Allah ki ibadat na kertay or Allah kay ilawa kisi or ko apna khuda mantay huway mar jatay to hamara thikana to jahanum he hota or dard nak azab hamara muntazar hota, Allah ka bara aihsan hay kay Allah nay hamay daikhnay kay liyay Ankh di , Chalnay kay liyay Pair diyay , Kam kernay kay liyay hath diyay ,Sun nay kay liyay kan diyay , achay or buray ki tameez kay liyay dimag diya , Sehat or tandrusti wali zindagee de , achay say acha hamay Allah nay rizq diya , Pehan nay kay liyay achay say acha Libas diya , rehnay kay liyay achay say acha ghar diya , sonay kay liyay naram naram bister diyay , sardiyo may sardi say bachnay kay liyay garam garam cheezay di , achee say achee rozgar / nokree di , her waqt Allah ka shukar ada kertay rehna chaiyay , khana khar ker Allah ka shukar ada kerna chaiyay , pani pee ker Allah ka shukar ada kerna chaiyay , Allah ki dee huwee her naimat per Allah ka shukar ada kerna chaiyay , kitnay he insan hay jo mohtaj hay , jo mazoor hay , jo mozi amraz may mubtala hay , jin kay pass khanay ko kuch nahe , jin kay pass pehanay nay ko kuch nahee , zaban hay bol nahee saktay , Ankh hay daikh nahee saktay , kan hay sun nahee saktay , Chal nahee saktay kiun kay mazoor hay, Her waqt Allah ka shukar ada kerna chaiyay, Allah nay hamay khanay kay liyay mukhtalif naimtay dee jin may fruit hay , sabziyan hay , halal janwar jaisay murgi , bakra , bakri , gaye , machli orbeshumar naimtay dee , Kisan zameen may beej bota hay or Allah kay hukum say phal , sabziyan us may say nikalna suroo hojatee hay , Allah nay darakht banaye jis per mukhtalif kisam kay phal or sabziyan lagti hay , Darakht insan ko saya farham kerta hay , Darakht ki chaoon may bethnay say insan ko kitna sukoon or rahat mehsoos hote hay , Allah nay pani banaya jis ko peenay say insan ko energy milti hay , rahat or sukoon milta hay , Allah kay hukum say barish hotee hay , baraf bari hotee hay , or Allah hi kay hukum say yay selab or zalzalay atay hay , Rozi daynay wala Allah hay , Rizq daynay wala Allah hay , Allah kay hukum kay bagair kuch nahee hosakta , ALLAH Nay jis kay naseeb may jitna rizq likh diya hay woh us ko mil ker he rahay ga , jo hota hay Allah kay hukum say hota hay , Poori duniya insan ko nuqsan pohachanay ki koshish kerlay likin agar Allah ko us ko nuqsan say bachana hay to poorie duniya jitna bhe zor lagalay woh us ko nuqsan nahee pohanchasakti or poori duniya mil ker kisi insan ko faida pohchana chaiyay likin Allah nay us insan kay naseeb may who faida nahee rakha huwa hay to poori duniya kuch bhe kerlay woh us insan ko faida nahee pohanchasakti, Allan nay jis insan kay naseeb may jitna rizq likh diya hay woh to us ko her hal may mil kay hi rahay ga, Is Duniya may na to insan apni marzi say aya hay or na he apni marzi say is duniya say jasakta hay , insan Allah he kay hukum say is duniya may hay or Allah he kay hukum say is duniya say jaye ga , her cheez ko aik na aik din khatam hona hay , jo insan is duniya may ata hay usay bhe her hal may khatam hojana hay , Insan kab is duniya may aye ga or kab is duniya say intiqal farma jaye ga , insan ki mot kab , kis waqt , kis halat may aye gee is ka ilm sirf or sirf Allah he ko hay , Is duniya may jo kuch bhe hota hay woh Allah kay hukum say hota hay , Science jitni bhe taraqi kerlay , insan bhalay say chand per pohanch jaye ya jo kuch bhe ijad kerlay aik din is ko khatam hojana hay , balkay is poorie duniya ko aik na aik din khatam hojana hay , insan chaye jitni taraqi kerlay , jitni underground railway system banalay , bari say bari buildings banalay , sab aik din khatam hojanay wali hay , yay itnay baray baray pahar yay samandar sab aik na aik din fana hojanay walay hay , bas her waqt or her hal may Allah ka shukar ada kertay rehna chaiyay , Allah nay insan ko dimag diya or sahee or galat rastay ka batadiya , Aj jo Musalman preshaniyo may ghira huwa hay , her jaga zaleel or khuwar ho raha hay , kufar kay samnay bebas hay , us kay hukum manta hay , un say imdad kay nam per bheek mangta hay , her jaga kufar kay hato pit raha hay , mar raha hay yay sab Allah ki nafarmani ka natija hay , Hadsat ka berh jana , Qudrati afaat ka ajana , selab ajana , zalzalay ka hona , jahaz gir rahay hay , jangal may aag lag rahee hay , dukano , ghar or buildings may aag lag rahee hay , qatal o garat ka aam hojana , insan ko gajar mooli ki tarah kat kat ker pheka jaraha hay , zalim hukamran ka ajana , mehangai ko hojana , yay sab hum sab musalmano ki nafaramani ka nateeja hay , deen say doorie ka natija hay , aj hum nay burai ko burai samajha nahee jata , lerkay lerki apas may mil rahay hay , sharam o haya khatam hogayee hay , zina ka aam hojana , jis jaga zina aam ho jata hay wahan qatal o garat berh jatay hay , jis jaga behayai , zina am hojata hay wahan qatal o garat hona aam hojata hay , hum ab sirf naam kay musalman reh gaye hay , hum nay namaz perhna chordi , deen seekhna chordiya , deen per amal kerna chordiya , Deen e Islam ko agay pehlana chordiya , hum nay Quran majeed ki tilawat kerna chordi , Quran majeed Allah ki kitab hay , hum nay Quran majeed ko samajh ker perhna chordi hay , hum nay Quran majeed may batai gayee bato per amal kerna chordiya , Allah ka paigam doosro tak pohchana chordiya, Hum nay Allah ki ibadat kerna chordi , Hum nay Namaz perhna chordi , Hum nay Zakat dayna Chordi, Hum nay ramzan may roza rakhnachordiyay , Hum nay istitaat rakhnay kay bawajood Hajj ada kerna chordiya , hum nay gareeb , mohtaj or miskeeno ki madad kerna chordi , hum nay jab bhe ibadat ki woh Allah ko razi kernay kay liyay nahee duniya ko dikhanay ki niyat say kerna chordi , Hum nay gana sun na shuroo kerdiya , ganay bajanay walay lerkay or lerkiya hamaray ideal ban gaye, Lerkay lerkiya kay apas may milna ko bura nahee samjha janay laga , lerkiyo nay perda kerna chordiya , lerkiyo nay lerko walay kapray pehan na suroo kerdiyay , lerkiyo nay jeans paint , jersi , chotay say chotay kapray pehan nay suroo kerdiyay , lerkiyo nay skin fitting kapray pehan nay suroo kerdiyay , lerkiyo nay bareek bareek or baray baray galay walay kapray pehan nay suroo kerdiay , hum nay bat bat per galiyan dayna suroo kerdi , fehash guftugu kerna suroo kerdiyay , bolywood or Hollywood ki actor , actress , hero , heroin hamaray ideal ban gaye , her waqt film , drama or actor actresses ki batay kerna , gandi or fehash batay kernay or gandi or fehash cheezay dekhna hamara shock bangaya , Sood aam hogaya , chori aam hogayee , qatal o garat aam hogayee , gunda gardi , bhatta khori aam hogayee , naap tol may kami , nafa kamanay kay liyay cheezo ki shortage kerna hamari zindagee ka maqsad hogaya , hum nay duniya may zada say zada paisa kamanay ko apni zindagee ka maqsad banaliyay , bari bari degree layna , baray baray khuwab daikhna hamari zindagee ka maqsad ban gaya .

Kabhee hum nay socha hay kay hamari zindagee ka maqsad kiya hay , kabhee hum nay socha kay marnay kay bad hamara kiya hoga , kiya hum nay socha kay jab hum mar jaingay or jab hamaray ghar walay dost hamay qabar kay under dafna ker wapis chalay jaye gay to us kay bad kiya hoga , kiya hum nay kabhee socha kay kiya Allah nay hamay is duniya may apni merzi say zindagee guzarnay kay liyay bheja hay ya is zindagee ka kisi khas maqsad kay liyay bheja hay. Allah say apnay gunaho ki maafi mangiyay , ab jo zindagee baki reh gaye hay us ko Allah or rasool Hazrat Muhammad Mustafa (Sallallahooalahi-Wasallam) kay bataye huway tareeqay kay mutabik zindagee guzarnay ka irada kijyay ,Allah walo kay sath zada say zada waqt guzaray , b Namaz ki pabandi kijyay . Allah hamaray gunaho ko maaf farmaye (Ameen)

Jaga Ji Lagaanay Ki Duniya Nahin Hai